मुख्यमन्त्री थापाविरुद्धको रिटमा आज निवेदक पक्षको जवाफी बहस

२१ भदौ, काठमाडौं । कोशी प्रदेश सरकारका मुख्यमन्त्री उद्धव थापाविरुद्ध सर्वोच्च अदालतमा परेको रिटमा आज जवाफी बहस हुँदैछ ।

सर्वोच्च अदालतका न्यायाधीशहरू सपना प्रधान मल्ल, डा कुमार चुँडाल र नहकुल सुवेदीको पूर्णइजलासमा विपक्षी थापाका केही वकिलको बहस सकेपछि जवाफी बहस हुँदैछ । जवाफी बहस सकेपछि सर्वोच्चले आजै फैसला सुनाउने संभावना छ । 

एमालेका नेता एवं पूर्वमुख्यमन्त्री हिक्मतकुमार कार्कीले थापाले भदौ ४ मा प्रदेशसभाबाट लिएको विश्वासको मत असंवैधानिक रहेको भन्दै बदरको माग गर्दै भदौ ६ मा रिट निवेदन दायर गराएका थिए ।

कार्कीले वर्तमान सरकार बदर गरी धारा १६८को उपधारा ३ अनुसार प्रदेशसभाको सबैभन्दा ठूलो दल नेकपा (एमाले)को तर्फबाट आफ्नो नेतृत्वमा सरकार गठन गर्ने परमादेशको माग गरेका छन् ।