कृषि गणनाको नतिजाः ३९ लाख ९९ हजार परिवार खेतीपातीमा, पहिलेकाे तुलनामा ३ लाख वृद्धि

२१ भदौ, काठमाडौं । राष्ट्रिय तथ्यांक कार्यलयले साताैं कृषि गणना २०७८ को नतिजा बिहीबार सार्वजनिक गरेको छ । सार्वजनिक नतिजा अनुसार ३९ लाख ९९ हजार खेतीपाती आवद्ध भएको देखिएका छन् ।

यस्तै, १ लाख ३२ हजार परिवारले पशुपंक्षी मात्र पाल्ने गरेको पाइएको छ । कृषि गर्ने परिवार संख्या भने ३ लाख परिवारले वृद्धि भएको देखिएकाे छ । कार्यलयले बिहीबार काठमाडाैंमा एक कार्यक्रम आयाेजना गरेर नतिजा सार्वजनिक गरेकाे हाे ।

हरेक १० वर्षमा कृषि गणना गर्दै आएको छ । २०६८ को विवरण अनुसार ३७ लाख १६ हजार परिवार खेतीपाती र १ लाख १६ हजार पशुपंक्षी पालनमा थिए ।

यस्तै, नयाँ विवरणअनुसार मुलुकमा २२ लाख १८ हजार हेक्टर जमिनमा कृषि गरिएको छ । जुन २०६८ सालकाे तुलनामा ३ लाख ८ हजार हेक्टरले थाेर हाे । अघिल्लो कृषि गणनामा २५ लाख ३१ हजार हेक्टर जमिनमा खेति गरिन्थ्यो ।