वडाध्यक्षको निधनमा काठमाडौं महानगरले दियो भोलि शोक बिदा

२१ भदौ, काठमाडौं । काठमाडौं महानगरपालिकाले वडा नम्बर १६ का वडाअध्यक्ष मुकुन्द रिजालको निधनप्रति शोक मनाउन शुक्रबार शोक बिदा दिएको छ ।

काठमाडौं महानगरपालिका– १६ का वडाध्यक्ष रिजालको बिहीबार बिहान ग्रान्डी अस्पतालमा उपचारका क्रममा निधन भएको हो । उनको निधनमा शुक्रबार महानगरले आफू अन्तर्गतका कार्यालयहरूमा शोक बिदा दिएको हो ।

काठमाडौंको धापासीस्थित ग्राण्डी अस्पतालमा उपचारका क्रममा रिजालको बिहीबार बिहान साढे ७ बजे निधन भएको थियो । अस्पतालकाअनुसार रिजाललाई भाइरल निमोनियाको संक्रमण देखिएको थियो ।

१७ भदौमा दुवै फोक्सोमा सिभियर निमोनिया 'भाइरल निमोनिया' भई सघन उपचार कक्षमा उनलाई भर्ना गरिएको थियो । रिजालको आजै पशुपति आर्यघाटमा अन्तिम संस्कार गरिँदैछ ।