आईसिसी महिला टी-२० विश्व छनोटमा नेपाल थाइल्यान्डसँग पराजित

२२ भदौ, काठमाडौं । आईसिसी महिला टी–२० विश्वकप एसिया छनोटमा नेपाल सेमिफाइनलमा पराजित भएको छ । हारसँगै नेपालको वेमेन्स ट्वान्टी–२० विश्वकपको ग्लोबल छनोट खेल्ने सपना समाप्त भएको छ । शुक्रबार मलेसियामा भएको छनोटको सेमिफाइनलमा नेपाल थाइल्यान्डसँग ४६ रनले पराजित भएको हो ।

थाइल्यान्ड भने विश्व छनोटमा पुगेको छ । प्रतियोगिताबाट दुई टिम विश्व छनोट पुग्ने प्रावधान छ । थाइल्यान्डले दिएको १०६ रनको लक्ष्य पछ्याएको नेपाल १९.३ ओभरमा ५९ रनमा अलआउट हुन पुग्यो । 

नेपालका लागि कविता कुँवरले सबैभन्दा बढी नटआउट १७ रन जोड्दा कविता जोशी र अप्सरी बेगमले १०(१० रन बनाए । नेपालका अरु ब्याटरले दोहोरो अंकमा रन बटुल्न सकेनन् । बलिङमा थाइल्यान्डकी ओनिचा र थिपच्चाले ३/३ विकेट लिए ।

त्यसअघि टस जितेको नेपालले बलिङ रोजेपछि पहिले ब्याटिङ गरेको थाइल्यान्डले २० ओभरमा २ विकेटको क्षतिमा १०५ रन जोडेको थियो ।