निजामती कर्मचारी विधेयककाे विराेधमा जीतपुरसिमराका कर्मचारीले बाँधे हातमा कालो पट्टी

२२ भदौ? काठमाडौं । बाराको जीतपुरसिमरा उपमहानगरपालिकाका कर्मचारीले शुक्रबार हातमा कालो पट्टी बाँधेर काम गरेका छन् । निजामती सेवा विधेयकमा स्थानीय तहका कर्मचारीलाई विभेद गरेको भन्दै उपमहानगरपालिकाका कर्मचारीले विरोधस्वरुप कालो पट्टी बाँधेर काम गरेका हुन् ।

शुक्रबार नै २०औं निजामती सेवा दिवस परेको छ । सरकारले काठमाडौंमा एक कार्यक्रम गरेर यस वर्षका लागि १० जनालाई उत्कृष्ट निजामती सेवा पुरस्कार र ३० जना कर्मचारीलाई निजामती सेवाका लागि छनोट गरिसकेको छ । प्रधानमन्त्री प्रचण्डले आज एक विज्ञप्ति जारी गर्दै शुभकामना दिएका छन् । निजामती कर्मचारी दिवस मूल समारोहलाई सम्बोधन गर्दै उनले विधेयकमा निजामतीतर्फका ट्रेड युनियनसम्बन्धी पुरानै व्यवस्था र अधिकारलाई यथावत राखेको बताएका छन् । 

दिवसमै दिन स्थानीय तहका कर्मचारीहरुले भने विधेयकमा स्थानीय तहका कर्मचारीलाई निजामती सेवाको परिभाषामा नसमेटेको र सेवा सुविधा तथा वृद्धि विकासको ग्यारेन्टी नगरेको भन्दै विरोध जनाएका छनु । बाराको जीतपुरसिमरा उपमहानगरपालिकाका आज हातमा कालो पट्टी बाँधेर काममा खटिएका छन् । 

सरकारको मन्त्रिपरिषदको हिजो बसेको बैठकले  ‘संघीय निजामती सेवाको गठन, सञ्चालन र सेवाको सर्तसम्बन्धी विधेयक, २०८०’लाई संघीय संसदमा पेश गर्ने निर्णय गरिसकेको छ ।