कृष्णजन्माष्टमी मेला भर्ना गएका युवाहरूबीच खुकुरी हानाहान

२२ भदौ, काठमाडौं । भोजपुरमा कृष्णजन्माष्टमी मेला भर्ना गएका युवाहरुको दुई समूहबीच बिहीबार साँझ हानाहान भएको छ । भोजपुर नगरपालिका–६ देउराली र उक्त नगरपालिका–१२ कोटडाँडाका युवाहरुबीच टक्सार बजारमा खुकुरी हानाहान समेत चलेको छ । 

खुकुरी हानाहानमा भोजपुर नगरपालिका–९ का २६ वर्षीय अमुल राई र २८ वर्षीय अनिल गम्भीर राई घाइते भएका छन् । उनीहरुको टाउनेको र ढाडमा चोट लागेको छ । 

दुई पक्षमा युवाहरुबीच सामाजिक सञ्जालमा भनाभन चलेको र त्यसपछि मेलामा भेट हुँदा झगडा परेको पाइएको छ । प्रहरीले दुवैतर्फ ५ जनालाई प्रहरीले पक्राउ गरेको छ ।