प्रभु बैंकको १४ लाख १६ हजार कित्ता शेयर बिक्रीमा

२२ भदौ, काठमाडाैं । प्रभु बैंकले संस्थापक शेयरधनीको नाममा रहेको १४ लाख १६ हजार ७६३ कित्ता संस्थापक शेयर बिक्रीमा ल्याएको छ ।

यसमा बैंकका विद्यमान संस्थापक सेयरधनीले आवेदन दिन सक्नेछन् । बैंकले यो शेयरको भाउ भने तोकेको छैन ।

यसमा शेयर खरिद गर्न इच्छुक संस्थापकले आज (भदौ २२ गते) बाट ३५ दिनभित्र बैंकको केन्द्रीय कार्यालय बवरमहल, काठमाडौंमा निवेदन पेस गर्नु पर्नेछ । 

उक्त समयमा संस्थापक सेयरधनीको आवेदन परेन भने अन्य व्यक्ति वा संस्थालाई पनि शेयर बिक्री गरिने बैंकले जनाएको छ ।