११० बेलुन उडाएर बीपी साहित्य महोत्सव सुरु

२४ भदौ, ललितपुर । तीन दिने वीपी साहित्य महोत्सव सुरु भएको छ । जननायक विश्वेश्वर कोइरालाको ११औं जन्मजयन्तीको अवसरमा नेपाली कांग्रेसको केन्द्रीय पार्टी कार्यालय सानेपामा आइतबार बहिान साढे ११ बजे साहित्य महोत्सवको समुद्घाटन गरिएको छ ।

पार्टी सभापति एवं पूर्वप्रधानमन्त्री शेरबहादुर देउवाले जननायक कोइरालाको पूर्ण कदको शालिकमा माल्यार्पण र त्यहाँ गमलामा राखिएको बिरुवामा जल सिंचन गरेर महोत्सवको उद्घाटन गरे । 

महोसत्सव तीन दिनसम्म चल्ने महोत्सव आयोजन समितिले जनाएको छ । उदघाटन कार्यक्रममा ११० वटा बेलुन उडाइएको छ । एउटा मूल बेलुनलाई बीपीको तस्बीर, पार्टीको झण्डा, चार वटा तारा, चुनाव चिन्ह अंकितलाई तीन दिनसम्म कार्यालयमाथि उडाइनेछ ।

कांग्रेसका नेता कार्यकर्ताहरु सानेपामा बाक्लो संख्यामा सहभागी भएका छन् । उनीहरुले कार्यक्रस्थलमा राखिएको क्यानभासमा इच्छानुसार रंग भर्ने र तीन दिनको कार्यक्रम समाप्तिसम्ममा बन्ने आकृति प्रदर्शनीका लागि कालान्तरसम्म संरक्षण गरिने भएको छ । सहभागीहरुले वीपीको साहित्य लेखन, विचार र जीवनबारे चर्चा गर्दै विभिन्न योगदनकाे स्मरण गरेका छन् ।

यस्तै, ललितपु कांग्रेसले बनाएको उद्यानमा सभापति देउवाले रुद्धाक्षको बिरुवा रोप्ने काम सम्पन्न गरेका छन् ।