नेयमारले तोडे पेलेको गोल कीर्तिमान

२४ भदौ, काठमाडौं । फुटबलका महान खेलाडी ब्राजिलियन पेलेको सर्वाधिक गोलकर्ताको  कीर्तिमान नेयमारले तोडेका छन् । नेयमार बा्रजिलकै हुन् । 

शनिबार ब्राजिलले बोलिभियालाई ५–१ ले हराउँदा नेयमारले दुई गोल गर्दै पेलेको कीर्तिमान तोडेका हुन् । ब्रजिलका लागि १२५ औं खेल खेलेका नेयमारले पहिलो हाफमा पेनाल्टी मिस गरेका थिए । तर दोस्रो हाफमा दुई गोल गरे  ।  योसँगै  उनले पेलेको ७७ गोलको रेकर्ड तोडे । ब्राजिलका लागि नेयमारले गरेको अन्तर्राष्ट्रिय गोल संख्या ७९ पुगेको छ ।   

पेलेको रेकर्डलाई जित्छु भन्ने कहिल्यै नसोचेको बताउँदै सामाजिक संजालमा लेखेका छन्, ‘म पेले वा राष्ट्रिय टिमका अरु खेलाडी भन्दा राम्रो होइन ।’  पेलेको गत डिसेम्बरमा ८२ वर्षको उमेरमा निधन भएको थियो । उनले १९५७ देखि १९७१ को अवधिमा ९२ खेल खेल्दै ब्राजिलका लागि ७७ गोल गरेका थिए ।

नेयमार क्लब स्तलमा हाल साउदी प्रो लिग टिम अल हिलालमा आवद्ध भएर खेलिरहेका छन् । उनी विश्वका महंगा ५ खेलाडीको सूचीमा पर्दै आएका छन् ।