१७ जनालाई धरौटीमा रिहा गर्न अदालतको आदेश, सवैभन्दा धेरै गुरुङसँग २ करोड ४६ लाख माग

२४ भदौ, काठमाडौं । ललितानिवास जग्गा प्रकरणमा जिल्ला अदालत काठमाडौंले भाटभटेनी सुपरमार्केटका सञ्चालक मीन बहादुर गुरुङसहित १७ जनालाई धरौटीमा छाड्न आदेश दिएको छ । जिल्ला अदालत काठमाडौँमा न्यायाधीश भोलानाथ ढकालको इजलासले सो आदेश दिएको हो । 

थुनामा रहेका १८ जनामध्ये केशव तुलाधरलाई अदालतले साधारण तारेखमा रिहा गर्न आदेश गरेको छ भने बाँकी १७ जनालाई धरौटीमा रिहा गर्न आदेश दिएको हो । गुरुङसँग अदालतले २ करोड ४६ लाख रूपैयाँ धरौटी माग गरेको छ । 

अन्य आराेपीहरुलाई पनि धरौटी  किटान गरिएको छ । जसमा शिवजी भट्ट ३ लाख ३० हजार, रुद्र कुमार श्रेष्ठ ७ लाख ५० हजार, बालकृष्ण श्रेष्ठ ७ लाख ५० हजार, कलाधर देउजा १५ लाख, घमन कुमार कार्की ७ लाख ५० हजार र गोपाल कार्कीलाई ७ लाख ५० हजार धरौटी लिन भनिएको छ । 

यस्तै विनोद पौडेल १५ लाख, योगराज पौडेल ७ लाख ५० हजार, नारायणराज मिश्र ७ लाख ५० हजार, अरुण कुमार श्रेष्ठ ७ लाख ५०, ध्रुव प्रसाद अर्याल ३ लाख ३० हजार, बाबुराजा महर्जन १ लख १० हजार, देवनारायण महर्जन १ लाख १०, सकलानन्द महर्जन १ लाख १० हजार, सञ्जय कुमार महर्जन १ लाख १० हजार र लोकहरि घिमिरे ७ लाख ५० हजार धरौटी तोकिएको छ ।