बैतडीका राजेन्द्रले नेपाललाई दिलाए प्रथम स्थान !

२५ भदौ, काठमाडौं । भारतको चेन्नाईमा सम्पन्न प्रथम संस्करणको साउथ एसियन कराते प्रतियोगितामा नेपाल पहिलो भएको छ । बैतडी घर भएका राजेन्द्र कलौनीले नेपाललाई प्रथम स्थान दिलाएका हुन् । उनले  गोल्ड मेडल समेत प्राप्त गरेका छन् ।

नेपालले बङ्लादेशलाई हराएर प्रथम भएको हो । प्रतियोगितामा बङ्गलादेश दोस्रो र भारत तेस्रो भएको छ।नेपाललाई गोल्ड मेडल दिलाउन सफल कलौनी नेपाल लोकतान्त्रिक खेलकुद संघ बैतडीका अध्यक्ष समेत रहेका छन्  ।

जापान कराते डो. कोशिकाई सितोरियो संघ नेपालको आयोजनामा भएको प्रतियोगितामा नेपालसहित, भारत,बङ्गलादेश,भुटान र श्रीलंका सहभागी थिए । प्रतियोगितामा लाठी र कराते मात्रै रहेको थियो । लाठीमा भने भारतले पहिलो स्थान पाएको बताएको छ ।