बेइजिङ पुगेकाे एमाले टोलीले माग्यो चुच्चे नक्सामा चीनको साथ

२५ भदौ, काठमाडौं । चीन भ्रमणमा रहेको नेकपा (एमाले)का महासचिव शंकर पोखरेल नेतृत्वको टोलीले नेपालको चुच्चे नक्सामा चीनको साथ मागेको छ । सोमबार राजधानी बेइजङिमा चिनियाँ कम्युनिष्ट पार्टी (सीपीसी) का विदेश विभाग प्रमुख लिउ जियनचाओसँगको भेटवार्तामा चीनको साथ आवश्यक रहेको महासचिव पोखरेलले बताएका थिए । 

दुई नेताबीचको भेटवार्तामा महासचिव पोखरेलले नेपाल सरकारले सन् १८१६ को सुगौली सन्धिको मर्मअनुसार २०७७ सालमा नेपालको नक्सा संसदबाट पास गरेर औपचारिक रुपमा जारी गरेको जानकारी गराएका छन् । चुच्चे नक्सामा आफूहरुले चीनको साथ रहाेस्र भन्ने चाहेको बताएका छन् । 

चीनले हालै सार्वजनिक गरेको नयाँ नक्सामा नेपालको चुच्चे नक्सा समेटेपछि छिमेकीमाथि चीनको व्यवहारलाई लिएर आशंका उब्जिएको बेला छलफल गर्न संसदका प्रमुख प्रतिपक्ष एमालेले पोखरेलको नेतृत्वमा टोली चीन पठाएको बताइएको छ । 

जवाफमा विदेश विभाग प्रमुख लिउ जियनचाआले एक चीन नीतिमा दृढ रहेकोमा नेकपा (एमाले)लाई धन्यवाद दिँदै नेपालसँगको सम्बन्धलाई थप सुदृढ तुल्याउन चीन सदैव तयार रहेको बताएका छन् ।