प्रधानमन्त्री प्रचण्डलाई राष्ट्रसंघीय महासभामा नजान कांग्रेस नेता खड्काकाे सुझाव

२५ भदौ, काठमाडौं । संयुक्त राष्ट्रसंघीय महासभामा भाग लिन प्रधानमन्त्री पुष्पकमल दाहाल ‘प्रचण्ड’ अमेरिका जाने अन्तिम तयारी भएको बेला सत्तारुढ मुख्य घटक नेपाली कांग्रेसका नेता एवं पूर्वपरराष्ट्रमन्त्री डा. नारायण खड्काले भ्रमणबारे प्रश्न उठाएका छन् । 

देशमा भ्रष्टाचार र तस्करीले आक्रान्त तुल्याइरहेका बेला विदेश जानु उचित नभएको बताए । बीपी कोइरालाको ११औं जन्मजयन्तीका अवसरमा आयोजना गरिएको साहित्य महोत्वसवको दोस्रो दिन आज ‘अन्तर्राष्ट्रिय राजनीति र कूटनीतिमा बीपी’मा धारणा राख्दै प्रश्न उठाएका हुन् । 

‘‘देशमा भ्रष्टाचार, तस्करीका यति धेरै मुद्दा आइरहेका छन् । यस्तो अवस्थामा राष्ट्रसंघको महासभामा गएर उहाँले के कुरा गर्नुहुन्छ ?’ उनले भने । प्रधानमन्त्री राष्ट्रसंघीय महासभामा जानुभन्दा यहीँ बसेर समस्या समाधान गर्न समेत उनले सुझाव दिए ।

प्रधानमन्त्री प्रचण्ड संयुक्त राष्ट्रसंघको ७८औं महासभामा भाग लिन यही भदौ ३० गते नेपाली प्रतिनिधिमण्डलको नेतृत्व गर्दै न्युर्योक जाँदैछन् । असोज ४ महासभालाई सम्बोधन गर्नेछन् । यसपछि उनी त्यहीबाट असोज ५ मा चीन जानेछन् ।