नेपाली कांग्रेसको बीपी साहित्य महोत्सव स्थगित

२६ भदौ, काठमाडौं । नेपाली कांग्रेसको भदौ २४ देखि सुरु भएको बीपी साहित्य महोत्सव स्थगित भएको छ । साहित्य महोत्सवको आज अन्तिम दिन थियो ।

नेकपा एमालेका उपाध्यक्ष एवं संविधानसभाका  अध्यक्ष सुवास नेम्वाङको आज निधन भएका कारण आजको कार्यक्रम नहुने नेपाली कांग्रेस सूचना सञ्चार तथा प्रचार विभागका प्रमुख मीन विश्वकर्माले जानकारी दिए । 

उनले अहिले बैठक बसिरहेको र बीपी साहित्य महोत्सवका आजका कार्यक्रम स्थगित गरेर महोत्सव सम्पन्न भएको घोषणा गरिने बताए ।  बीपी साहित्य महोत्सव २४ र २५ गतेका कार्यक्रम सम्पन्न भइसकेका छन् । आज अन्तिम दिनका सबै कार्यक्रम नगरी सम्पन्न भएको घोषणा गर्न लागिएको हो ।