संसद्ले देशभक्त नेता गुमायो : अध्यक्ष तिमिल्सिना

२६ भदौ, काठमाडौं । संघीय संदको माथिल्लो सदन राष्ट्रियसभाका अध्यक्ष गणेशप्रसाद तिमिल्सिनाले तत्कालीन संविधानसभाका अध्यक्ष, पूर्वसभामुख एवं नेकपा (एमाले)का उपाध्यक्ष सुवासचन्द्र नेम्वाङको निधनले आफू मर्माहत र स्तब्ध भएको भएको जनाएका छन् ।

उनल सोमबार राति हृदयघातबाट निधन भएका संसदको तल्लो सदन प्रसितनिधिसभा सदस्य (सांसद) एपं एमाले नेता नेम्वाङप्रति श्रद्धाञ्जली अर्पण गर्दै शोक वक्तव्य जारी गरेका छन् । उनले उनले नेम्वाङको निधनप्रति दुःख व्यक्त गर्दै संसद्ले एक अनुभवी, असल र तथा राष्ट्रले एक सिद्धान्तनिष्ठ, देशभक्त इमान्दार नेता गुमाएको बताएका छन् । 

उनले नेम्वाङले २०६२/६३ को जनआन्दोलनपछि पुनःस्थापित संसद्मा सभामुख र  पहिलो तथा दोस्रो संविधानसभामा अध्यक्षको कुशल भूमिका निर्वाह गरेर देश र जनतालाई न्याय दिलाएको उल्लेख गर्दै उनको नेतृत्वदायी भूमिकाको मुलुकले सधैं स्मरण गरिरहने बताएका छन् । नेम्वाङको अध्यक्षतामा नै नेपालको शान्ति प्रक्रिया र संविधानसभाबाट नेपालको संविधान जारी भएको थियो ।