अन्तिम श्रद्धाञ्जलीका नेम्वाङको पार्थिव शरीर च्यासलमा

२६ भदौ, काठमाडौं । संविधानसभाका अध्यक्ष एवं पूर्व सभामुख सुवासचन्द्र नेम्वाङको पार्थिव शरीर महाराजगन्ज स्थित त्रिवि शिक्षण अस्पतालबाट ललितपुरको च्यासलस्थित नेकपा एमालेको केन्द्रीय पार्टी कार्यालय ल्याइएको छ । 

नेम्वाङको पार्थिव शरीर आज मंगलबार दिनभर पार्टी कार्यालयमा राखिने र भोलि बुधबार अन्त्येष्टि गरिने जनाइएको छ । एमाले उपाध्यक्षसमेत रहेका नेम्बाङ २०६४ साल र २०७० सालको दुवै संविधानसभाका अध्यक्ष थिए । उनी हाल इलाम–२ बाट प्रतिनिधिसभामा निर्वाचित सांंसद हुन् ।

तुल्सीलाल हलमा राखेर नेम्वाङको पार्थिव शरीरमा श्रद्धाञ्जली अर्पण सुरु भएको छ । च्यासलस्थित एमाले कार्यालयमा पुर्याएर श्रद्धाञ्जली दिन थालिएको हो नेम्वाङको शवलाई तुल्सीलाल हलमा राखिएको छ ।

आज बिहान निधन भएका नेम्वाङलाई संविधानसभा अध्यक्षको हैसियतमा राजकीय सम्मान दिने सरकारले निर्णय गरेका थियो । मन्त्रिपरिषदको निर्णयसँगै नेपाली सेनाले पार्थिव शरीर शिक्षण अस्पतालबाट निकालेर च्यासल पुर्याइएको हो ।

नेम्वाङका छोराहरू विदेशमा भएकाले उनीहरू फर्किएपछि अन्त्येष्टि गरिने भएको छ । एमालेले भने २८ गते मुन्धुम संस्कृतिअनुसार अन्त्येष्टि गर्ने तयारी गरेको अनौपचारिक जानकारी दिएको छ । मन्त्रिपरिषदले गरेको निर्णयअनुसार उनको अन्त्येष्टि जहिले गरिन्छ, त्यही दिन सार्वजनिक बिदा हुने छ ।