भारोत्तोलन खेलाडी विष्टले बनाए नयाँ राष्ट्रिय कीर्तिमान

२७ भदौ, काठमाडौं । नेपाली भारोत्तोलन खेलाडी विशालसिंह विष्टले आईडब्लुए वर्ल्ड च्याम्पियनसिपमा नयाँ राष्ट्रिय कीर्तिमान बनाएका छन् । साउदी अरबको रियादमा जारी खेलमा उनले पुरुष ९६ केजी तौल समूहमा स्याच, क्लिन एण्ड जर्क र कुलमा गरी तीनवटा राष्ट्रिय कीर्तिमान बनाएका हुन् ।

नेपाल भारोत्तोलन संघका अनुसार विशालले स्न्याचतर्फ १२६ केजी, क्लिन एण्ड जर्कमा १६५ केजी र समग्रमा २९१ केजी भार वहन गर्दै नयाँ कीर्तिमान बनाएका हुन् । विशालले आफ्नै नाममा रहेको तीनवटै कीर्तिमान सुधार गरेका हुन् ।

विशालले यसअधि गत वर्ष पोखरामा भएको नवौं राष्ट्रिय खेलकुदमा विशाल सिंहले ब्याचमा १२० केजी, क्लिन एण्ड जर्कमा १६१ र समग्रमा १८१ केजीको कीर्तिमान बनाएका थिए । १६ वर्षपछि नेपालले वर्ल्ड भारोत्तोलन च्याम्पियनसिपमा भाग लिन नेपाललबाट ५ खेलाडी सहभागी छन् । सागर भण्डारीको प्रतिस्पर्धा बाँकी छ । उनले पुरुष १०९ केजी तौल समूहमा प्रतिस्पर्धा गर्नेछन् ।

यस्तै, महिला खेलाडीद्वय टिकामाया गुरुङ र शारद चौधरीको प्रतिस्पर्धा सकिसकेको छ । महिला खेलाडीतर्फ राष्ट्रिय कीर्तिमान कायम सकेन ।