विराटनगरको रानीबाट मोटरसाइकलमा ल्याइरहेको ४० किलो गाँजा बरामद

२७ भदौ, विराटनगर । विराटनगरको नेपाल–भारत सीमावर्ती क्षेत्रबाट प्रहरीले मोटरसाइकलमा राखेर ल्याइरहेको ४० किलोग्राम गाँजा बरामद गरेको छ ।

विराटनगर महानगरपालिका–१४ स्थित रानीबाट गएराति करिब सवा १० बजे को १७ प ८६३ नम्बर भएको बजाजको पल्सर २२० मोटरसाइकल र त्यसमा राखेर तस्करी गरिरहेको ४० किलो लागुऔषध गाँजा बरामद गरेको हो ।

चालक भने प्रहरीलाई देखेपछि मोटरसाइकल छाडेर भागेका छन् । मोटरसाइकल र गाँजा नियन्त्रणमा लिएको आवश्यक अनुसन्धान भइरहेको मोरङ प्रहरीले जनाएको छ । त्यस क्षेत्रमा अवैध लागू औषध ओसारपसार भइरहेको सूचनाका आधारमा प्रहरी टोली खटिएको थियो ।