सभापति देउवा र महामन्त्रीद्वय दुई ध्रुवमा बाँडिएका कारण कांग्रेस पार्टीमा विग्रह आयोः शेखर कोइराला

२७ भदौ, धुलिखेल । नेपाली कांग्रेसका वरिष्ठ नेता डा.शेखर कोइरालले पार्टीका सभापति र दुई महामन्त्री दुई ध्रुवमा बाँडिएको बताएका छन् । उनले सभापति र महामन्त्री एक भएर काम गर्न नसक्दा पार्टीका बिग्रह आएको दावी गरेका छन् । सभापति र दुई जना महामन्त्री दुई ध्रुवमा बाँडिनु कांग्रेसका लागि दुर्भाग्य भएको उनको भनाइ छ । 

बुधबार बीपी स्टडी युथ सर्कलले धुलिखेलमा गरेको कार्यक्रममा रुल बाई रुल नभएकाले पार्टी चल्न नसकेको र यस विषयमा नेताहरुले पनि सोच्न नसकेको बताए । उनले सभापतीय प्रणाली हो भने त्यै हिसाबले चल्नु पर्ने र हैन भने अरु उपाय खोज्नु पर्ने । उनले पार्टी सञ्चालनका लागि गम्भरी भएर सोच्नुपर्ने बेला आएको बताए ।

बीपी कोइरालाको समयमा पार्टी सभापति सिस्टममा चल्ने गरेको भन्दै नेता कोइरालाले सभापति प्रणाली हो भने पार्टी त्यसरी नै चल्नुपर्ने र बहुपदीय सिस्टममा पार्टी चल्ने भए त्यसरी नै चल्नुपर्ने बताए । अहिले पार्टीभित्र सभापति र महामन्त्री दुई ध्रुवमा बाडिदा पार्टीमा विग्रह आएको उनले बताए ।

‘सभापति प्रणाली हो भने त्यो हिसाबले हिँड्नुपर्यो । नभए अर्कै कुनै उपाय खोज्नुपर्छ । पार्टी सञ्चालन गर्न त्यो जरुरी छ । अहिले बहुपदीय भनिएको छ । बहुपदीयलाई खराब त भन्दिनँ, तर मिलेको छैन । यसले हामीलाई बिगारेको छ,’ उनले भने ।

उनले पार्टी र सरकार पारदर्शी बन्नुपर्ने धारणा राखे । साथै, कोसी प्रदेशमा धार्मिक दंगा फैलन सक्ने डर बढ्दै गएकोप्रति उनले चिन्ता व्यक्त गरे । प्रधानमन्त्रीका अभिब्यक्तिले पनि बिद्रोह खडा गर्ने स्थिति पैदाए भएके बताए ।