लक्ष्मी भ्यालु फण्ड २ को इकाईहरु नेप्सेमा सूचीकृत

२७ भदौ, काठमाडौं । लक्ष्मी भ्यालु फण्ड २ को इकाइहरु नेपाल स्टक एक्सचेन्ज (नेप्से) मा आज बुधबार देखि सूचीकृत भएको छ ।  फण्डको ८ करोड इकाइहरु नेप्सेमा सूचीकृत भएको हो ।

लक्ष्मी म्युचुअल फण्ड अन्तर्गत सञ्चालन हुने यस फण्डले गत साउन ५ गतेदेखि १९ गतेसम्म सर्वसाधारणका लागि प्रति इकाई १० रुपैयाँका दरले निष्काशन तथा बिक्री खुला गरेको थियो ।

नेप्सेमा LVF IIनामबाट फण्डको इकाइहरु आउँदो भाद्र ३१ गतेदेखि दोस्रो बजारमा कारोबार हुनेछ । कोष प्रवर्द्धक लक्ष्मी सनराईज बैंक लिमिटेड रहेको यस फण्डको योजना व्यवस्थापक लक्ष्मी क्यापिटल मार्केट लिमिटेड रहेको छ ।