रुकुम पूर्वको सदरमुकाम उपयुक्त स्थानमा तोक्न सर्वोच्चको आदेश

२७ भदौ, काठमाडौं । जिल्ला रुकुम पूर्वको सदरमुकाम उपयुक्त स्थानमा तोक्न सर्वोच्च अदालतले आदेश दिएको छ । पुथा उत्तरगङा को (गोलखाडा) बनाउने तत्कालीन सरकारको निर्णय  सर्वोच्च अदालतले बदर गर्दै नयाँ उपयुक्त स्थानमा सदरमुकाम बनाउन बुधबार आदेश दिएको हो । 

२०७४ साल माघ १५ गते तत्कालीन सरकारले रुकुम पूर्वको सदरमुकाम गोलखाडा तोक्ने निर्णय गरेको थियो ।

गोलखाडालाई सदरमुकाम तोक्ने सरकारको निर्णय वैज्ञानिक नभएको भन्दै स्थानीय गणेश हमालले सरकारको निर्णय खारेजीको माग गर्दै २०७५ साल फागुन ५ गते प्रधानमन्त्री तथा मन्त्रिपरिषदको कार्यालयलाई विपक्षी बनाइ सर्वोच्चमा रिट दायर गरेका थिए ।