एसिया कप क्रिकेट : फाइनलका लागि पाकिस्तान र श्रीलंका भीड्दै

२८ भदौ, काठमाडौं । एसिया कप क्रिकेटको फाइनलमा स्थान बनाउन आज पाकिस्तान र श्रीलंकाबीच प्रतिस्पर्धा हुँदैछ । खेल श्रीलंकामा नेपाली समय अनुसार दिउँसो सवा ३ बजे हुँदैछ । आजको खेल फाइनल प्रवेशको अन्तिम खेल हो । 

 सुपर फोरमा बंगलादेशलाई हराएर सेमी फाइनलमा श्रीलंकासँग प्रतिस्पर्धा गर्न आइपुगेको हो । यस्तै श्रीलंका भारतसँग पारजित भएर पनि यहाँ आइपुगेको हो । रन रेटका आधारमा श्रीलंकाले पाकिस्तानसँग खेलमा प्रतिस्पर्धा गर्ने मौका पाएको हो । श्रीलंका र पाकिस्तानको अंक समान भए पनि नेट रनरेटका आधारमा श्रीलंका अगाडि छ ।

भारत फाइनलमा पुगिसकेको छ । तैपनि उसले बंगलादेशसँग खेल्नेछ । उक्त खेल औपचारिक मात्रै हुनेछ । किनकि अंकको हिसाबले बंगलादेश सुपर फोरबाट बाहिरिइसकेको छ ।

आजको खेलमा पाकिस्तानलाई हराउन सके श्रीलंकाले फाइनलमा स्थान पक्का गर्नेछ । बिहीबारको खेल वर्षाका कारण आजको खेल रद्द भएमा श्रीलंका स्वतः फाइनल पुग्नेछ । आजको खेलका लागि रिजर्भ डेको व्यवस्था छैन । आज खेलको समयमा वर्षाको संभावना रहेको देखाइएको छ ।

एसिया कप खेल खेल्न भारत पाकिस्तान नजाने भएपछि खेल पाकिस्तान र श्रीलंकामा आयोजना भइरहेको छ । पाकिस्तान र भारत एसियामा एकापसमा दुश्मनी भाव राख्ने मुलुकका हुन् । कप खेल नेपालले पाकिस्तानसँग पाकिस्तानकाे मुल्तान रंगशाला र भारतसंग श्रीलंकाकाे पलेके रंगशालामा खेलेर देश फिर्ता भइसकेको छ ।