एभरेष्ट बैंकद्वारा बोनस शेयर र नगद गरी कुल २०.५३% लाभांश वितरण गर्ने घोषणा

२८ भदौ, काठमाडौं । एभरेष्ट बैंकले गत आर्थिक वर्ष २०७९–८० को नाफाबाट शेयरधनीहरुलाई कुल २०.५३% लाभांश घोषणा गरेको छ ।

बैंकको बुधबार साँझ बसेको सञ्चालक समिति बैठकले गत आर्थिक वर्षको नाफाबाट १०५ बोनस शेयर र यसमा लाग्ने करसहित १०.५३% नगद गरी कुल २०.५३% लाभांश वितरण गर्ने निर्णय गरेको हो । 

प्रस्तावित लाभांश नियामक नेपाल राष्ट्र बैंक र एभरेष्टको आगामी वार्षिक साधारण सभाबाट अनुमोदन भए पछि शेयरधनीहरुलाई वितरण हुनेछ । एभरेष्ट बैंकले अघिल्लो आर्थिक वर्ष २०७८–७९ मा भने १३% बोनस सेयर र करसहित ७.६८% नगद गरी कुल २०.६८% लाभांश वितरण गरेको थियो ।