आर्थिक भार थपिने गरी मन्त्रालय नबढाउन लुम्बिनी कांग्रेसकाे आग्रह

२८ भदौ, काठमाडौं । नेपाली कांग्रेस लुम्बिनी प्रदेश प्रदेशमा मन्त्रालयको संख्या नबढाउने आग्रह गरेको छ । बुधबार साँझ बसेको कांग्रेस लुम्बिनी प्रदेश कार्यसम्पादन समितिको बैठकले आर्थिक भार थपिने गरी मन्त्रालय नबढाउन आग्रह गरेको हो । 

लुम्बिनी सभापति अमरसिंह पुनको अध्यक्षतामा बसेको बैठकले हाल विद्यमान मन्त्रालयको संख्या नबढाई यथास्थितिमा सरकारलाई पूर्णता दिन कांग्रेस नेता तथा प्रदेश मुख्यमन्त्री डिल्लीबहादुर चौधरीलाई आग्रह गर्ने निर्णय गरेको छ । 

हाल विद्यमान मन्त्रालयको संख्या नबढाई यथास्थितिमा सरकारलाई पूर्णता दिन कांग्रेस नेता तथा प्रदेश मुख्यमन्त्री डिल्लीबहादुर चौधरीलाई आग्रह गरिएको छ।

यस्तै बैठकले कांग्रेसका सहमहामन्त्री तथा पूर्वमन्त्री महेन्द्र यादवमाथि भएको खुकुरी प्रहार भएको घटनाको निन्दा गर्दै दोषीलाई कारबाहीको माग गरिएको छ। संविधान सभाका अध्यक्ष एवं पूर्वसभामुख सुवासचन्द्र नेम्वाङ लगायत विभिन्न घटनामा ज्यान गुमाउनेहरूप्रति दुःख व्यक्त गर्दै  श्रद्धाञ्जली व्यक्त गरिएको छ।