नेम्वाङकाे अन्त्येष्टिमा दुई छोरा मिङ्सो र सुहाङले दिए दागबत्ती

२८ भदौ, काठमाडौं । संविधानसभा अध्यक्ष तथा नेकपा (एमाले)का उपाध्यक्ष स्व. सुवासचन्द्र नेम्वाङलाई छोराहरु मिङ्सो र सुहाङ नेम्वाङले दागबत्ती दिएका छन् । उनीहरुले दिवंगत पिता नेम्वाङलाई बिहीबार पशुपति आर्यघाटमा दागबत्ती दिएका हुन् । 

स्व नेम्वाङको राजकीय सम्मानका साथ अन्त्येष्टि गरिएको छ । उनको मंगलबार राति ह्दयघात भई निधन भएको थियो । निधनका बेला दुवै छोरा विदेशमा थिए । बुधबार र बिहीबार मात्र उनीहरु नेपाल आइपुगेका थिए ।

नेम्वाङलाइ हिन्दू र किराँत धर्म संस्कार अनुसार श्रद्धाञ्जली दिने विधि पूरा गरेकाे थियाे । नेम्वाङको निधनमा सरकारले आज शोक बिदा दिएको छ ।