मकवानपुरमा डाक्टरमाथि कुटपिट घटनामा आमा-छोरीसहित ४ जना पक्राउ

२८ भदौ, काठमाडौं । मकवानपुरको हेटाैंडा उपमहानगरपालिका–१ स्थित सञ्चो अस्पतालमा कार्यरत डाक्टर विकास थापा र प्रशान्त विडारीमाथि कुटपिट गर्ने चार जनालाई प्रहरीले पक्राउ गरी कारवाही अगाडि बढाएको छ । 

डेंगु संक्रमणको कारण करिब ४० दिन अघि भएका हेटौंडा–१२ का ४१ वर्षीय राजेश प्रधानको उपचारमा लापरबाही भएको भन्दै उनका श्रीमती, छोरी र आफन्तले बुधबार बिहान १० बजेतिर उपमहानगरपालिका–२ स्थित अस्पताल पुगेर कुटपिट गरेका थिए । कुटपिट घटना सीसीटिभी फुटेजमा रेकर्ड भएका आधारमा पहिचान गरी पक्राउ गरिएको हो ।  कुटपिटबाट डा. विडारीको आँखा र अनुहारमा चोट लागेको छ । डा थापाको गाला र अनुहार चोट लागेर सुनिएको छ ।

पक्राउ पर्नेहरुमा मृतककी श्रीमती रमा प्रधान र छोरी रमिता, प्रधान छोरा रोहित, भतिजा अनुप रहेका छन् । २ चिकित्सकलाइ कार्यकक्षबाट तानेर बाहिर ल्याई करिब ८/९ जनाले कुटपिट गरेकाे सीसीटिभी फुटेजमा देखिन्छ । 

चिकित्सकको लापरवाहीले डेंगीका बिरामी रहेका राजेशको ज्यान गएको भन्दै मृतकका परिवार र आफन्त आक्रोशित बनेका हुन् । राजेशलाई अस्पतालकै सिफारिसमा चित लगेर उपचार गराउने क्रममा साउन २३ मा मृत्यु भएको थियो । 

चिकित्सकमाथि कुटपिट भएपछि अस्पतालले आकस्मिक बाहेक ओपीडीलगायत सेवाहरु बन्द गरिएको छ । सबै स्वासथ्यकमीृ सुरक्षाको माग गर्दै सिडीओकहाँ पुगेका छन् ।