क्रिकेट संघको अधिवेशन असोज ५ र ६ गते काठमाडौंमा

२८ भदौ, काठमाडौं । नेपाल क्रिकेट संघ (क्यान)को केन्द्रीय साधारण सभा तथा अधिवेशन असोज ५ र ६ गते काठमाडौंमा गर्ने भएको छ । क्यानले आज बिहीबार एक सूचना निकाले उक्त जानकारी दिएको हो ।

उक्त अधिवेशनले क्यानको नयाँ नेतृत्व चयन गर्नेछ । अधिवेशनमा केन्द्रीय कार्यसमितिका पदाधिकारी तथा सदस्य, प्रादेशिक क्रिकेट संघ, जिल्ला क्रिकेट संघ, नेपाल अम्पायर्स तथा कोरर्स संघ र नेपाल क्रिकेट प्रशिक्षक संघबाट चयन भएका प्रतिनिधिहरुले भाग लिन पाउने छन् ।

केन्द्रीय अधिवेशनका लागि प्रदेश, जिल्लाका अधिवेशन सम्पन्न भइसकेको सूचनामा जनाइएको छ । अध्यक्षका लागि वर्तमान अध्यक्ष चतुरबहादुर चन्दले इच्छा देखाएका छन् । अन्य उम्मेदवारको नाम सार्वजनिक भइसकेको छैन ।