सानिमा बैंकको १४.७० प्रतिशत लाभांश घोषणा

२९ भदौ, काठमाडौं । सानिमा बैंकले गत आर्थिक वर्षको नाफाबाट १४.७० प्रतिशत लाभांश दिने घोषणा गरेको छ । बैंकको बिहीबार (भदौ २८ गते) बसेको सञ्चालक समिति बैठकले ९ प्रतिशत बोनस शेयर र कर प्रयोजनसहित ५.७० प्रतिशत नगद गरी कुल १४.७० प्रतिशत लाभांश दिने निर्णय गरेको हो । 

प्रस्तावित लाभांश नियामक नेपाल राष्ट्र बैंक र सानिमाको आगामी वार्षिक साधारण सभाले अनुमोदन गरेपछि वितरण हुनेछ । बैंकले हाल कायम १२ अर्ब ४६ करोड रूपैयाँ चुक्ता पुँजीमा लाभांश प्रस्ताव गरेको हो ।