उच्च अदालतका न्यायाधीशमा २७ जनाको नाम सिफारिस, ६० जना न्यायाधीशको सरुवा

२९ भदौ, काठमाडौं । न्यायपरिषदले उच्च अदालतका  न्यायाधीशको लागि २७ जनाको नाम सिफारिस गरेको छ । आज बसेको न्यायपरिषदको बैठकले उच्च अदालतमा २७ जना न्यायाधीश सिफारिस गरेको परिषदको सचिवालयले जनाएको छ ।  

यस्तै न्यायपरिषदले ६० जना न्यायाधीशको सरुवा पनि गरेको छ । शुक्रबार बसेको न्यायपरिषद बैठकले ३४ जना उच्च अदालत र बाँकी जिल्ला अदालतका न्यायाधीशको सरुवा गरेको हो । न्यायाधीशको लामो समयदेखि सरुवा हुन सकेको थिएन । 

न्यायपरिषदको बैठकबाट न्यायाधीशमा सिफारिस हुनेहरूमा श्यामकुमार भट्टराई, राधाकृष्ण उप्रेती, हरिश्चन्द्र ढुंगाना, धनसिं महरा, ब्रजेश प्याकुरेल, ऋषिराम निरौला, चन्द्रमणि ज्ञवाली, राजुकुमार खतिवडा, योगेन्द्र प्रसाद साह, खडानन्द तिवारी, कविप्रसाद न्यौपाने, प्रकाश खरेल, कृष्णराम कोइराला, स्वीकृति पराजुली, काजी बहादुर राई, रितेन्द्र थापा, मोहनराज भट्टराई, अर्जुन अधिकारी, विनोदकुमार पोखरेल, नारायणप्रसाद रेग्मी, सुशील कोइराला,  अच्युतमकुमार आचार्य, गोविन्द जोशी, पुण्यशिला दवाडी घिमिरे, पूर्णप्रसाद राजवंशी, यज्ञबहादुर राना मगर र अर्जुन महर्जन छन् ।

न्यायपरिषदको सिफारिसमा प्रधानन्यायाधीशले उच्च अदालतको न्यायाधीश नियुक्त गर्ने संवैधानिक व्यवस्था छ । जसअनुसार न्यायपरिषद्ले सिफारिस गरेका उनीहरू प्रधानन्यायाधीशले नियुक्त गरेपछि न्यायाधीश हुनेछन् । 
 हेर्नुहोस सिफारिसमा परेकाहरुको सूची

हेर्नुहोस नयाँ नियुक्तीका लागि सिफिरसमा परेका र सरुवा भएका न्यायाधीशहरुको सूची :