आकस्मिक बाहेकका सम्पूर्ण स्वास्थ्य सेवा बन्द गरी विरोध कार्यक्रम [ फोटोफिचर ]

३१ भदौ, काठमाडौं । सन्चो अस्पताल, हेटौंडा, मकवानपुरमा कार्यरत विशेषज्ञ चिकित्सक द्वय डा. विकास थापा र डा. प्रशान्त विडारी डियुटीमा रहेको अवस्थामा ज्यान मार्ने उद्देश्यले साङ्घातिक आक्रमण गरी गम्भीर घाइते बनाएको घटनाविरुद्ध आज नेपाल चिकित्सक संघले आइतबार देश भरका सबै सरकारी स्वास्थ्य संस्था, अस्पताल, मेडिकल कलेज, निजी अस्पताल तथा क्लिनिकहरूमा आकस्मिक बाहेकका सम्पूर्ण स्वास्थ्य सेवाहरु पूर्ण रुपमा बन्द गरी विरोध कार्यक्रम गरेका छन् । बन्द गरे पश्चात् सामान्य ओपीडी लगायतमा उपचार गर्न आउने बिरामीहरू बिचल्ली परेका छन । त्यस्तै गरी काठमाडौंको वीर अस्पतालमा पनि बिरामीहरू बिचल्ली परेका छन ।