न्यायाधीश पदको परीक्षामा एक जना उत्तीर्ण, २११ जना थिए सहभागी

३१ भदौ, काठमाडौं । न्याय सेवा आयोगले गत साउनमा लिएको जिल्ला न्यायाधीश पदको लिखित परीक्षाको परीक्षा नतिजा सार्वजनिक गरेको छ । जसमा एक जना मात्र उत्तीर्ण भएका छन् । लिखित परीक्षामा सहभागी २११ जना मध्ये पारसमणि पोखरेल मात्र उत्रीर्ण भएका छन् । 
 
गत साउन १६ गतेदेखि २० गतेसम्म संचालित परीक्षामा २११ जना परीक्षार्थी सहभागी भएका थिए । न्याय सेवा आयोगले आइतबार जारी गरेको सूचना अनुसार परीक्षा दिएका मध्ये जिल्ला न्यायाधीशको पदमा पारसमणि पोखरेल मात्र उत्तीर्ण भएका हुन् ।

न्याय सेवा आयोगले आन्तरिक खुल्ला, खुल्ला, महिला, जनजाति, मधेसी र दलित गरेर २९ जना जिल्ला न्यायाधीशको लागि विज्ञापन खुलाइएको थियो । तर, परीक्षा दिएका २१० जना अनुत्तीर्ण भएसँगै पदपूर्तिका लागि पुनः विज्ञापन खुलाउनुपर्ने भएको छ । यसअघि लिइएका जिल्ला न्यायाधीश पदका लागि भएको परीक्षामा यो पटक सबैभन्दा कम प्रतिशत उत्रिर्ण भएको हो ।