सरकारी वकिलको कार्यालयद्वारा जिल्ला अदालतमा भन्सार छली र संगठित अपराधमा मुद्दा दायर
नेपालबहस संवाददाता
भदौ ३१, २०८० आइतबार १७:३७:२३
३१ भदौ, काठमाडौं । जिल्ला सरकारी वाकिलको कार्यालयले त्रिभुवन विमानस्थल बाहिरबाट बरामद भएको सुन प्रकरणको मुद्दा जिल्ला अदालत काठमार्डौमा दर्ता गरेको छ । गत साउन २ गते राजस्व अनुसन्धान विभागले बरामद गरेको करिब ६१ किलो सुन तस्करी प्रकरण अन्तर्गत आइतबार जिल्ला अदालत काठमाडौंमा मुद्दा दर्ता गरिएको हो ।
नेपाल प्रहरीको केन्द्रीय अनुसन्धान ब्यूरो (सीआईबी) ले उक्त प्रकरणको अनुसन्धान प्रतिवेदन बुझाएको ४ दिनपछि आज जिल्ला सरकारी वकिल कार्यालयले मुद्दा दर्ता गरेको हो । सीआईबीले पक्राउ परेका २५ र फरार ४ गरी २९ जनाविरुद्ध मुद्दा चलाउन सरकारी वकिलको कार्यालयलाई राय दिएको थियो । जिल्ला सरकारी वकिल कार्यालय काठमाडौंले जिल्ला अदालत काठमाडौंमा अभियोगपत्र दायर गरेको हो ।
२९ जनालाई प्रतिवादी बनाउँदै मुद्दा दायर गरिएको छ । प्रतिवादी सबैलाई भन्सार छली र संगठित अपराधमा मुद्दा दायर गरिएको हो । ३ अर्ब ५० करोड ३० लाख रुपैयाँको विगो दाबी गर्दै मुद्दा दायर भएको छ । सीआईबीले गत बुधबार सरकरी वकिल कार्यालयमा बुझाएको प्रतिवेदनमा १८ जना फरार रहेको र फरार मध्ये १४ जना विदेशी नागरिक र ४ जना नेपाली रहेको उल्लेख छ ।
जिल्ला सरकारी वकिलको कार्यालयले पक्राउ परेका २६ र फरार सूचीमा रहेका ३ जना गरी २९ जनाविरुद्ध मुद्दा दायरको काठमाडौं जिल्ला अदालतका सूचना अधिकारी दिपक दाहालले जानकारी दिए ।
यस्तै नेपालमा बसेर सुन तस्करी गर्दै आएका चिनियाँ मूलका बेल्जियन नागरिक दावा छिरिङ तिब्बती शरणार्थीका रुपमा नेपाल प्रवेश गरेको पाइएको छ । करिब ६१ केजी सुन प्रकरणमा पक्राउ परेका दावा तिब्बती शरणार्थीका रुपमा नेपालमा आएर त्यसपछि अन्तरदेशीय सुन तस्करको नेपाल व्यवस्थापक बनेको अनुसन्धानबाट पत्ता लागेको हो ।
रोल्पा थवाङकी माओवादी कार्यकर्ता अमला रोकासँग विवाह गरेर उनले त्यसकै आडमा सुन तस्करी, अवैध कल बाइपासलगायत अपराध धन्दा चलाउँदै आएका थिए । पछिल्लो पटक गत साउन २ मा विमानस्थल भन्सार जाँचपास भई बाहिरिएको सामानमा फेला परेको करिब ६१ केजी सुन तस्करी प्रकरणमा उनी पक्राउ परेका थिए ।
त्यसको अनुसन्धान गर्ने क्रममा दावाको पृष्ठभूमि ‘तिब्बती शरणार्थी’ रहेको खुलेको हो । उनको नेटवर्कमा रहेको चिनियाँ तस्करले पछिल्लो ११ महिनामा मात्रै ३ सय ६३ केजी सुन नेपाल भित्र्याएको पुष्टि भइसकेको छ ।
दावा स्वयंले पनि प्रहरीलाई दिएको बयानमा आफू १७ वर्षको उमेरमा सन् १९९९ मा तिब्बती शरणार्थीका रुपमा नेपाल आएको स्वीकार गरेका छन् । अनुसन्धानका क्रममा सीआईबीले दावा तिब्बती शरणार्थीका रुपमा भित्रिएका व्यक्तिहरुको निकट सम्पर्क र सम्बन्धमा रहेको भेट्टाएको थियो ।
सीआईबीले दावासहित पक्राउ परेका २६ र फरार १८ लाई प्रतिवादी बनाएर साढे ३ अर्ब बराबरको बिगो मागदावीसहित मुद्दा चलाउन जिल्ला सरकारी वकिल कार्यालयमा रायसहित प्रतिवेदन बुझाएकोमा आइतबार आज जिल्ला अदालत काठमाडौंमा मुद्दा दायर गरेको हो । सीआईबीले ३ सय ६२ किलो सुन तस्करी भएको भन्दै ५० जनालाई प्रतिवादी बनाएको थियो । जसमा ३२ जना पक्राउ परेका थिए । प्रहरीले २६ जना विरुद्द मुद्दा चलाउन राय दिएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसर्वोच्च अदालतले दियो दुर्गा प्रसाईंलाई रिहा गर्न आदेश
पुष ५, २०८१ शुक्रबार
सर्वोच्चले उच्च अदालतसँग माग्यो शरणार्थी प्रकरणमा बेचन झालाई थुनामा पठाउनुको कारण
पुष ५, २०८१ शुक्रबार
सर्वोच्चले सरकारलाई भन्यो, ‘जनयुद्ध’ शब्द प्रयोग नगर्नू
पुष ४, २०८१ बिहिबार
रविको अनुसन्धान प्रतिवेदन बुझाएसँगै जीबीलाई नेपाल ल्याउने पहल
नेपालबहस संवाददाता
पुष ४, २०८१ बिहिबार
इयुले थप तेल र ग्यास खरिद नगरे कर लगाउने ट्रम्पको चेतावनी
पुष ५, २०८१ शुक्रबार
म सभापति भएपछि कांग्रेसलाई युग सुहाउँदो बनाउँछु : डा. शेखर कोइराला
पुष ६, २०८१ शनिबार
पार्टी संगठनलाई व्यवस्थित गर्न केन्द्रीय सदस्यलाई जिम्मेवारी
पुष ६, २०८१ शनिबार
एनपीएलमा कुन खेलाडीले कुन अवार्ड जिते ?
पुष ६, २०८१ शनिबार
एनपीएल विजेतालाई एक करोड १० लाख, उपविजेतालाई ५१ लाख प्रदान
पुष ६, २०८१ शनिबार
म सभापति भएपछि कांग्रेसलाई युग सुहाउँदो बनाउँछु : डा. शेखर कोइराला
पुष ६, २०८१ शनिबार
गाजामा २० लाखभन्दा बढी मानिस फसेका :संयुक्त राष्ट्रसंघ
पुष ६, २०८१ शनिबार
पाकिस्तानमा आक्रमणमा १६ सैनिकको मृत्यु, ८ घाइते
पुष ६, २०८१ शनिबार