मकवानपुर बहुमुखी क्याम्पसलाई विश्वविद्यालय बनाउने निर्णय

१ असोज, काठमाडौं । मकवानपुरको हेटौंडास्थित मकवानपुर बहुमुखी क्याम्पसलाई विश्वविद्यालय बनाइने भएको छ । बागमती प्रदेश सरकारका मुख्यमन्त्री शालिकराम जम्कट्टेलले अध्यक्षतामा सोमबार बसेको सर्वदलीय बैठकले बहुमुखी क्याम्पसलाई विश्वविद्यालय बनाउने निर्णय गरेको हो ।

प्रदेशको सामाजिक विकास मन्त्रालयद्वारा आयोजित सर्वदलीय एवं सर्वपक्षीय बैठकमा प्रदेश सरकारका मन्त्री, पूर्वमन्त्री, विभिन्न राजनीतिक दलका नेता, सांसद, शिक्षासँग सम्बन्धित विपद् एवं विशेषज्ञ तथा प्रशासनिक निकायका प्रमुख लगायतले क्याम्पसलाई विश्वविद्यालय बनाउने प्रस्तावमा सहमति जनाएका छन् ।

अब विश्वविद्यालय निर्माणका लागि हस्ताक्षर संकलन गर्ने कार्यक्रम छिट्टै सुरु हुनेछ ।