सरकार र आन्दोलित शिक्षकबीच ३ बजे वार्ता हुँदै

२ असोज, काठमाडौं । सरकारले संसदमा दर्ता विद्यालय शिक्षा विधेयकका विभिन्न बुँदामा असन्तुष्ट जनाएर आन्दोलन घोषणा गरेका शिक्षकहरुसँग वार्ता गर्ने भएको छ । वार्ता गर्न सरकारले शिक्षा, विज्ञान, तथा प्रविधि मन्त्री अशोकुकमार राईको नेतृत्वमा वार्ता टोली समेत बनाइसकेको छ । 

टोलीले आन्दोलित विद्यालय शिक्षकहरुलाई आज दिउँसो ३ बजे शिक्षा मन्त्रालय सिंहदरबारमा वार्ताका लागि बोलाएको छ । विधेयकका विभिन्न बुँदा शिक्षकको अधिकार र स्वतन्त्र खोसिएको भन्दै शिक्षकहरुकाे संगठन राष्ट्रिय विद्यालय महासंघले भोलि संविधान दिवसका दिन असोज ३ गते देशभर विद्यालय बन्दको घोषणा गरेका छन् ।