आज शेयरबजार, बैंक–वित्तीय संस्था बन्द हुने

३ असोज, काठमाडौं । आज बुधबार शेयरबजार बन्द हुने भएको छ । बुधबार 'असोज ३ गते' संविधान दिवस परेकाले सरकारले सार्वजनिक विदा दिएको छ । तसर्थ, आज सरकारी कार्यालय लगायत सेयर बजार, बैंक तथा वित्तीय संस्था बन्द हुनेछन् ।

अब बजार बिहीबार बिहान ११ बजे खुल्नेछ । मंगलबार नेप्से सूचक १६।२४ अंकले बढेर १९ सय ८५।४३ बिन्दुमा अडिएको छ । जसमा १ अर्ब १७ करोड रुपैयाँभन्दा बढीको कारोबार भएको छ ।