मकवानपुरमा छोरीको घर हिँडेकी ९१ वर्षीया वृद्धाको भिरबाट लडेर मृत्यु

३ असोज, काठमाडौं । मकवानपुरको इन्द्रसरोबर गाउँपालिका–३ ठूलोटारस्थित छोरीको घरमा आएकी ९१ वर्षीया पुतलीमाया घलानको भिरबाट लडेर ज्यान गएको छ । 

गएको भदौ ३० गते छोरीमा घरमा पुगेका उनी त्यही दिनदेखि हराएकी थिइन् । खोजीका लागि सिस्नेरी प्रहरी चौकीमा समेत निवेदन दिइएको थियो । 

आफन्तसहित खोजी गर्ने क्रममा पुतलीमायाको शव छोरीको घरनजिकैको भिरबाट लडेर मृत्यु भएको अवस्थामा बुधबार बिहान फेला परेको हो । करिब २०० मिटर तल खसेर शव भिरमा अडकिएको अवस्था फेला परेको प्रहरीले जनाएको छ । शव निकाल्ने प्रयास जारी रहेको जनाइएको छ ।