नेपाल आणविक परीक्षण प्रतिबन्धको पक्षमा अडिग छ : परराष्ट्रमन्त्री साउद

३ असोज, काठमाडौं । संयुक्त राष्ट्रसंघको महासभामा सहभागिताका लागि अमेरिकाको न्यूयोर्कमा रहेका परराष्ट्रमन्त्री एनपी साउदले नेपाल आणविक परीक्षण प्रतिबन्धको पक्षमा रहेको बताएका छन् ।

आणविक परीक्षण प्रतिबन्ध सन्धिका (सिटीबिटीओ) कार्यकारी सचिव रोवर्ट फलोइडसँगको भेटघाटका अवसरमा उनले नेपाल आणविक परीक्षण प्रतिबन्धको पक्षमा रहेको स्पष्ट पारेका छन् । उनले आणविक परीक्षण प्रतिबन्ध लगाउने विषयमा नेपालको प्रतिबद्धता रहेको जानकारी समेत गराएका छन् ।

साउदले जलवायु परिवर्तन, अल्पविकसित मुलुकको उकास्ने, आणविक हतियारको प्रयोग रोक्ने विषयमा विभिन्न मुलुकका राष्ट्र संघीय प्रतिनिधिहरुसँगको भेटघाटलाई तीव्रता दिएका छन् ।