नेपाल पुरुष भलिबलमा समूह चरणबाटै बाहिरियो

३ असोज, काठमडौं । चीनको हाङझाउमा जारी एसियन गेम्समा नेपाली राष्ट्रिय भलिबल टोली समूह चरणबाटै बाहिरिएको छ । चाइना टेक्सटाइल सिटी स्पोर्टस सेन्टर जिम्रेसियममा बुधबार भएको खेलमा इरानसँग ३–० को सोझो सेटमा पराजित हुँदै नेपाल समूह चरणबाटै बाहिरिएको हो । 

पहिलो सेट २५–९ ले गुमाएको नेपालले दोस्रो सेट २५–१५ र तेस्रो सेट २५–१३ ले पराजित हुँदै बाहिरियो । यसअघि मंगलबार भएको समूह‘बी’ को पहिलो खेलमा नेपाल बहराईनसँग ३–१ को सेटमा पराजित भएको थियो ।

कठिन समूहमा रहेको नेपालले पाँचौं पटक एसियाडमा सहभागिता जनाएको हो । नेपालले यसअघि सन् १९७८ मा थाइल्यान्डको बैंककमा भएको आठौं एसियाडमा डेब्यु गरेको थियो ।

नेपालले सन् १९२ मा भारतको दिल्लीमा भएको नवौँ एसियाडमा तथा १९८६ मा दक्षिण कोरियामा भएको १०औँ एसियन गेम्स खेलेको थियो । त्यसपछि नेपाल सन् २०१ मा भएको जकार्ता एसियाडका सहभागी भएको थियो।