क्यानडामा रहेका आफ्ना विद्यार्थीलाई भारतले गर्याे ट्राभल एडभाइजरी जारी

३ असोज, काठमाडौं । क्यानडामा भएको खालिस्तानी नेता हरदीप सिंह निज्जरको हत्याको विषयलाई लिएर भारतले क्यानडामा रहेका आफ्ना विद्यार्थीलाई सतर्क गराएको छ । हत्यामा भारतको हात रहेको आरोप क्यानडाका प्रधानमन्त्रीले लगाएपछि भारतले त्यसको प्रतिवाद गर्दै आइरहेको छ ।

सम्बन्धन तनावग्रस्त बन्दै गइरहेको बेला क्यानडा र भारत दुवैले एक अर्काका एक एक जना कुटनीतिज्ञलाई देश निकाला गरिसकेका छन् । 

यसैबीच मंगलबार राति क्यानडाले भारतमा रहेका आफ्ना नागरिकलाई सतर्क रहन भन्दै ट्राभल एडभाइजरी अप्डेट गरेको छ । क्यानडाले पनि भारतमा रहेका आफ्ना नागरिकलाई ट्राभल एडभाइजरी जारी गरिसकेको छ । क्यानडाले जारी गरेको २४ घण्टा नबित्दै भारतले पनि क्यानडामा रहेका आफ्ना नागरिकलाई ट्राभल एडभाइजरी जारी गरेको हो । 

भारतले क्यानडामा रहेका आफ्ना नागरिकलाई अत्यधिक सावधानी अपनाउन, क्यानाडामा भारत विरोधी गतिविधिहरू सहित क्षेत्रहरू र सम्भावित स्थानहरूमा यात्रा नगर्न र सतर्क रहन र अप्ठेरो परेको खण्डमा भारतीय नियोगहरूलाई तत्काल जानकारी गराउन भनेको छ ।