नेपालले ‘एसियाली सहकार्य संवाद’को उद्देश्यअनुरुप काम गरिरहेको छः मन्त्री साउद

४ असोज, काठमाडौं । अमेरिकी भ्रमणमा रहेका परराष्ट्रमन्त्री एनपी साउदले ‘एसियाली सहकार्य संवाद’लाई नेपालले उच्च प्राथमिकतामा राखेको विचार व्यक्त गरेका छन् ।

बुधबार राष्ट्रसंघको मुख्यालय न्यूयोर्कमा आयोजित एसियाली देशका मन्त्रीको सम्मेलनमा मन्त्री साउदले उक्त धारणा राखेका हुन् ।

‘नेपालले क्षेत्रीय सहकार्यलाई उच्च प्राथमिकतामा राखेको छ, यसभित्र एसियाली सहकार्य संवादसमेत पर्दछ’ मन्त्री साउदले भने, ‘हामीहरू सबै एसियाली क्षेत्रका सदस्यसँग यसको उद्देश्यअनुसार काम गर्न तयार छौं ।’

‘एसियाली सहकार्य संवाद’ सन् २००२ जुनमा अठार देशका विदेश मन्त्री मिलेर स्थापना गरेका थिए । यसको सदस्यता नेपालले सन् २०१६ मार्चमा लिएको थियो ।