एकीकृत समाजवादीको सचिवालय बैठकमा समेत शिक्षक आन्दोलनकाे ‘साइड इफेक्ट’

४ असोज, काठमाडौं । नेकपा (एकीकृत समाजवादी)को सचिवालय बैठक स्थगित भएको छ । बैठक बिहीबार पार्टी केन्द्रीय कार्यालय आलोकनगरमा बोलाइएको थियो ।

शिक्षक आन्दोलनका कारण नेताहरु समयमै आपुग्न नसक्ने भएपछि आजको बैठक स्थगित गरिएको पार्टी कार्यालयले जनाएकाे छ । बैठक स्थगितलाइ शिक्षक आन्दोलनकाे ‘साइड इफेक्ट’ काे लिइएकाे छ ।

एकीकृत समाजवादीले यही असोज १४ देखि २९ गतेसम्म गर्न ‘समाजवादी जागरण यात्रा’ गर्दैछ । उक्त कार्यक्रमलाई व्यवस्थित बनाउनेबारे छलफल गर्न उक्त बैठक बोलाइएको थियो । एकीकृत समाजवादी समावादी मोर्चाका एक घटक हो । मोर्चाले ६ प्रदेशमा सन्देशसभा गरिसकेको छ । सुदूरपश्चिममा मात्र बाँकी छ ।