उच्चपदस्थलाई मापदण्डविपरीत खटाइएका सुरक्षाकर्मी र सहयोगी फिर्ता गर्न सुशासन समितिकाे निर्देशन

४ असोज, काठमाडौं । संसदको राज्य व्यवस्था तथा सुशासन समिति भीभीआईपी तथा भीआईपीहरुलाई मापदण्डविपरीत दिइएको सुरक्षा अधिकृत, सवारी चालक र भान्सेलाई फिर्ता गर्न समयसीमासहित सरकारलाई निर्देशन दिएको छ ।

बिहीबार बसेको समितिको बैठकले भीभीआईपी र भीआईपीहरुसँग भएका मापदण्डविपरीतका सुरक्षाकर्मी, सवारी चालक र भान्से १५ दिनभित्र फिर्ता गर्न सरकारलाई निर्देशन दिएको हो । फिर्ता गराएपछि त्यसबारे जानकारी समितिलाई गराउन समेत भनेको छ । साथै सरकारका मन्त्री तथा पदाधिकारीहरुले नियमानुसार पाउनेभन्दा बढी प्रयोग गरिएका सवारी साधन फिर्ता गर्न पनि निर्देशन दिएको छ ।

नियमे तोकेभन्दा बढी खटाइएका सुरक्षाकर्मी फिर्ता गरी उनीहरुलाई आफ्नो दरबन्दी भएको ठाउँमा पठाउन सरकारलाई निर्देशन दिने निर्णय भएको समितिका सभापति रामहरि खतिवडाले बताए ।