बालेनले पठाए विद्यालय अनुगमन गर्न महानगर प्रहरीसहितका टोली

४ असोज, काठमाडौं । विद्यालय शिक्षा विधेयकको विरोधमा सामुदायिक विद्यालयमा पठनपाठन ठप्प् पारेर शिक्षकहरुले आन्दोलन उत्रिएपछि महानगरपालिकाको टोली महानगर प्रहरीसहित विद्यालय अनुगमनमा निस्किएको छ ।

शिक्षा विभागका प्रतिनिधि महानगर प्रहरी बलका प्रमुख राजु पाण्डेसहितको टोली लिएर महानगरभित्र संचालित विद्यालयहरुको अनुगनमा निस्किएका छन् ।

सरकारले संसदमा दर्ता गराएको विधेयकका केही बुँदा संशोधनको माग गर्नै देशभरका सामूदायिक विद्यालयका शिक्षक शिक्षिका आज दोस्रो दिन पनि विद्यालयमा पठनपाठन ठप्पा पारेर नयाँ बानेश्वरस्थित विरोध प्रदर्शन गरिरहेका छन् । महानगरभित्रका आरआर मावि, भिमसेनगोला, गुहेश्वरी लगायत विद्यालयका शिक्षकहरु पनि आन्दोलनमा पुगेका छन् ।

मेयर बालेन साहको निर्देशनमा टोलीले विद्यालयमा पठनपाठन सुचारु रहे नरहेको अनुगमन गर्ने र त्यसबारे रिपोर्टिङ गर्ने जिम्मा पाएको छ । पढाइ बन्द गर्ने शिक्षक र प्रधानाध्यापकलाई कारवाही गर्ने निर्णय महानगरपालिकाले गरिसकेको छ ।