एसईईको ग्रेडवृद्धि परीक्षाको नतिजा सार्वजनिक

४ असोज, काठमाडौं । राष्ट्रिय परीक्षा बोर्ड (एनईबी)ले माध्यमिक शिक्षा परीक्षा (एसईई) पूरक अर्थात ((ग्रेडवृद्धि परीक्षाको नतिजा सार्वजनिक गरेको छ । गत साउन २६ र २७ गते सञ्चालन भएको २०७९ सालको पूरक परीक्षाको नतिजा बिहीबार सार्वजनिक गरेको हो ।

ग्रेडवृद्धि परीक्षामा परीक्षामा १ लाख १३ हजार ३१३ विद्यार्थी सहभागी थिए । जसमध्ये ६६.९७ प्रतिशत विद्यार्थीले ग्रेड वृद्धि गरेका छन् । जसमा एक जना विद्यार्थीको परीक्षाफल रद्द गरिएको बोर्डले जनाएको छ । 

आफ्नो नतिजामाथि चित्त नबुझेको खण्डमा पुनर्योगका लागि विद्यार्थीलाक्इ १५ दिनको समय दिइएको छ । पुनर्योग गर्न ५०० रुपैयाँ शुल्क लाग्ने जनाइएकाे छ ।