शुक्रबार सरकार र शिक्षक प्रतिनिधिबीच औपचारिक वार्ता

४ असोज, काठमाडौं । सरकार र आन्दोलनरत शिक्षकहरुबीचको आजको वार्ता सकिएको छ । उनहिरु भोलि औपचारिक वार्तामा बस्ने गरी उठेका छन् । बिहीबार विहान र साँझ दुई चरणमा मन्त्रीहरुसँग छलफल भए पनि औपचारिक वार्ता भने शुक्रबार हुने भएको हो । 

बिहीबार विहान आन्दोलनरत शिक्षकका प्रतिनिधिहरुसँग उपप्रधानमन्त्री तथा गृहमन्त्री नारायणकाजी श्रेष्ठले छलफल गरेका थिए । साँझ फेरी उपप्रधानमन्त्री श्रेष्ठ, शिक्षामन्त्री अशोक राई, अर्थमन्त्री डा. प्रकाशशरण महत र कानुनमन्त्री धनराज गुरुङसहितको सरकारी टोलीसँग शिक्षक प्रतिनिधि वार्तामा बसेका थिए । 

छलफलमा शिक्षकका सबै मागको विषयमा छलफल भएको कानुनमन्त्री धनराज गुरुङले बताए । उनले शिक्षकले राखेका मागमा केन्द्रित भएर छलफल भएको बताए । भोलि शुक्रबार विहान ८ बजे बैठक बोलाइएको मन्त्री गुरुङले भने । शिक्षकहरुले राजनीतिक दलका नेता, संसदीय समितिसँगै सरकारी पक्ष वार्तामा बस्नु पर्ने बताउँदा आएका थिए ।