सिंहदरबार गेटबाट वैद्यका दर्जन कार्यकर्ता गिरफ्तार

५ असोज, काठमाडौं ।  मोहन वैद्य नेतृत्वको क्रान्तिकारी नेकपा निकट विद्यार्थी संगठनका ११ जना कार्यकर्तालाई प्रहरीले गिरफ्तार गरेको छ । सिंहदरबारको दक्षिण गेटस्थित निषेधित क्षेत्रमा प्रवेश गरेको आरोपमा उनीहरुलाई गिरफ्तार गरिएको हो । 

शिक्षा विधेयकको विरोधमा शिक्षकहरुले चलाइरहेको आन्दोलनमा उनीहरु सहभागी भएको र त्यसक्रममा प्रहरीको घेरा तोडेर सिंहदरबारको दक्षिण गेटभित्र प्रवेश गरेको प्रहरीको दाबी छ । गिरफ्तारको तस्बीर, भिडियो खिच्ने फोटो पत्रकारलाई प्रहरीले हातपात गरेका छन् ।