मलंगवामा कर्फ्युबीच प्रदर्शन, प्रदर्शनकारीलाई तितरवितर पार्न अश्रु ग्यास प्रहार

५ असोज, काठमाडौं । सर्लाही सदरमुकाम मलंगवामा जारी कर्फ्यु उल्लंघन गर्दै स्थानीयले  प्रदर्शन भएको छ । शुक्रबार दिउँसो मलंगवाका विभिन्न क्षेत्रमा कर्फ्यु उल्लंघन गर्दै स्थानीयले प्रदर्शन गरेका हुन् । 

बिहीबार राति गणेशकाे मूर्ति सेलाउने क्रममा मलंगवा नपा- ३ मा हिन्दू र मुस्लिम समुदायबीच झडप भएपछि अवस्था थप विग्रन नदिन जिल्ला प्रशासन कार्यालयले बिहीबार राति ८ बजेदखि अनिश्चितकालका लागि कर्फ्यू आदेश जारी गरेकाे थियाे ।

प्रदर्शनकारीलाई तितरभितर पार्न प्रहरीले एक दर्जन भन्दा बढी सेल अश्रु ग्यास प्रहार गरेको छ ।गएरातिकाे झडपमा घाइते भएकामध्ये एक जनाको अवस्था गम्भीर रहेको प्रहरीले जनाएको छ ।