पाकिस्तानले गर्यो विश्वकप क्रिकेटका लागि टिमको घोषणा, घाइते नसिम टिम बाहिर

५  असोज, काठमाडौं । पाकिस्तान क्रिकेट बोर्ड (पीसीबी)ले विश्वकप क्रिकेट खेलका लागि आफ्नो टिम घोषणा गरेको छ । एसिया कपका क्रममा घाइते भएका नसिम शाह समावेश छैनन् । उनको ठाउँमा हसन अलीले मौका पाएका छन् । नसिम सामान्य अवस्थामा फिर्ता हुन अझै ३–४ महिनामा लाग्ने पीसीबीले जनाएको छ । 

विश्वकप खेल्ने टोलीको घोषणा गर्दै मुख्य चयनकर्ता इन्जामाम उल हकले विश्वकप कुनै पनि खेलाडीका लागि जिन्दगीको महत्वपूर्ण इभेन्ट भएको प्रतिक्रिया दिएका छन् । उनले विश्वकपमा टिममाथि भरोसा गरेको बताएका छन् । 

टिममा बाबर आजम (कप्तान), शादाब खान (उपकप्तान), मोहम्मद रिजवान (विकेट कीपर), अब्दुल्लाह शफिक, फखर जमान, हरिश रउफ, हसन अली, इफ्तिखार अहमद, इमाम उल हक, मोहम्मद नवाज, मोहम्मद वसिम, सलमान अलि आगा, सऊद शकिल, शाहिन शाह अफ्रिदी र ओसामा मिर रहेका छन् ।