‘उत्कृष्ट चलचित्र’ घोषणा नगर्नुको कारण पेस गर्न उच्च अदालतको आदेश

५ असोज, काठमडौं । उच्च अदालत पाटनले यस वर्षको ‘राष्ट्रिय चलचित्र पुरस्कार–२०८०’ मा  ‘सर्वोत्कृष्ट फिल्म’ विधा घोषणा गर्नुको कारण पेस गर्न आदेश दिएको छ । 

फिल्म ‘प्रकाश’का निर्देशक दिनेश राउत, लेखक विकास सुवेदी र फिल्म छायांकन भएको थलो जुम्लाको सिंजाका स्थानीय मीनराज आचार्य लगायतले बिहीबार दायर रिट निवेदनमाथि सुनुवाइ गर्दै न्यायाधीश श्यामजी प्रधानको एकल इजलासले शुक्रबार विपक्षी चलचित्र विकास बोर्डको नाममा यस्तो आदेश दिएको हो । 

साथै, रिट निवेदकमा दाबी भएबमाेजिम अवार्डको मूल्यांकनको क्रममा जुरीले तयार पारेका सक्कल कागजपत्र पनि झिकाउन आदेश दिएको छ । भदौ १२ गते राष्ट्रपति कार्यालय शीतल निवासमा सर्वश्रेष्ठ फिल्मलाई छाडेर अन्य विधामा मात्र पुरस्कार वितरण गरिएको थियो ।