मलेसिया आकर्षक रोजगारीको प्रलोभनमा पारेर ठगी गर्ने बोगटी पक्राउ

५ असोज, काठमाडौं । मलेसियामा आकर्षक रोजगारको प्रलोभन देखाई रकम ठगी गरेको आरोपमा प्रहरीले एक जनालालाई काठमाडौंबाट पक्राउ गरेको छ । पक्राउ पर्नेमा डोटीको शिखर नगरपालिका–२ स्थाई घर भई हाल काठमाडौंको सेतोपुल बस्ने वर्ष ३२ को धनबहादुर बोगटी रहेका छन् ।

उनले कृष्णबहादुर बोगटीलाई वैदेशिक रोजगारीको लागि मलेसिया पठाइदिन्छु भनी तीन लाख रुपैयाँ ठगी गरेको आरोप छ । उनलाई पीडितको उजुरीका आधारमा काठमाडौं उपत्यका अपराध अनुसन्धान कार्यालयको टोलीले सेतोपुलबाट बिहीबार साँझ पक्राउ हो । पैसा लिएर रोजगारमा नपठाइ झुलाउने र अन्तिममा सम्पर्कविहीन बनेपछि बोगटीविरुद्ध उजुरी परेको थियो ।

आरोपी बोगटीलाई अनुसन्धान तथा कारबाहीका लागि वैदेशिक रोजगार विभाग ताहाचल पठाइएको छ । सरकारले मलेसियामा रोजगारमा जाने नेपाली कामदारका लागि निःशुल्क गरेको छ ।